التقويم الأصلى للمصريين القدماء ، والأمثال التى اطلقها عليها المصريون

® عفاريت ممبزين ®
avatar
رسالة sms : منك الجمال ومنى الحب يانوسافعللى القلب اٍن القلب قد يئسا
ذكر
عدد المساهمات : 1087
نوسا البحر :
معاينة صفحة البيانات الشخصي للعضو
2015-08-22, 10:57 am
التقويم الأصلى للمصريين القدماء ، والأمثال التى اطلقها عليها المصريون

-توت 11 سبتمبر - 10 اكتوبر
توت يقول للحر موت (كناية عن نهاية فصل الصيف)
- بابه 11 اكتوبر - 9 نوفمبر
بابة ادخل واقفل البوابة ..( بدايات البرد )
إن صح زرع بابه يغلب النهابة (الخير الوفير)
- هاتور 10 نوفمبر - 9 ديسمبر
هاتورأبو الذهب المنثور ( الدهب المنتور كناية عن زراعة حبوب القمح )
- كياك 10 ديسمبر - 8 يناير
كيهك صباحك مساك, تقوم من فطورك تحضر عشاك (اقصر ايام العام )
- طوبه 9 يناير - 7 فبراير
طوبه يخلى العجوزة كركوبة
الاسم لطوبة والفعل لأمشير
طوبه ماتبلش ولا عرقوبة .. (كل ده كناية عن شدة البرد بدون مطر)
- امشير 8 فبراير - 10 مارس
امشير أبو الزعابيب الكتير ياخد العجوزة ويطير (شدة العواصف)
امشير يخللى الزرع يسير (نمو القمح والبرسيم والفول وغيرهم)
- بارمهات 10 مارس - 8 أبريل
برمهات روح الغيط وهات (كناية عن الخير ف الارض فول وقمح وترمس )
- بارموده 9 ابريل - 8 مايو
فى بارموده دق العمودة (كناية عن حصاد القمح والشعير العمودة يعنى المظلة عشان الحر والشمس)
-بشنس 9 مايو - 7 يونيه
بشنس يكنس الغيط كنس ( نهاية موسم حصاد القمح وتنضيف الغيط للزرعة التالية)
-بؤونه 8 يونيه - 7 يوليه
بؤونه أبو الحراره الملعونه
شهر بؤونة يفلق الحجر ( كناية عن شدة الحر
-ابيب 8 يوليه - 9 اغسطس
فى ابيب يفور النيل
أبيب فيه العنب يطيب
أبيب مية النيل فيه تريب ( موسم العنب والزبيب وبدايات الفيضان)
- مسرى7 أغسطس - 5 سبتمبر
مسرى تجرى فيه كل ترعة عسرة
عنب مسرى إن فاتك متلقاش ولا كسرة ( الفيضان بيجرى المية فى كل الترع)
وادى خير مصر على مدار السنة:
ماشوفتش زى ما فى مصر من مايّة طوبة، ولبن أمشير، وخروب برمهات، وورد برمودة، ونبق بشنس، وتين بؤونة، وعسل أبيب، وعنب مسرى، ورطب توت، ورمان بابة، وموز هاتور، وسمك كيهك.

_________________


أسير الصمت

التقويم الأصلى للمصريين القدماء ، والأمثال التى اطلقها عليها المصريون

استعرض الموضوع السابق استعرض الموضوع التالي الرجوع الى أعلى الصفحة

صفحة 1 من اصل 1
نوسا البحر :: منتديات عامة :: المنتدى العام

حفظ البيانات | نسيت كلمة السر؟

هوانم نوسا | عفاريت نوسا البحر google+ | عفاريت نوسا | مجلة الصور | مجلة عفاريت